เพลง เอิ้นอ้ายกลับเมือบ้าน

ผู้แต่ง        สถาพร  ระวิสิทธิ์
ดนตรี       อรุณมิน  ชินวงค์
ร้อง          เอมม่า  สุธาพร (สุธาพร  มุศิริ)

  หล่ะเห็นการเมืองกำลังวุ่น  กลุ่มตลาดผู้ลงทุนผู้ถือหุ้นเผิ่นตกต่ำ  หล่ะผู้มาหางานทำทางกรุงไกลถิ่นกว้างตกงานซ้ำระกำหมอง  บางบริษัทเผิ่นกะต้องหยุดพักกิจการ   หนุ่มสาวชาวโรงงานคนอีสานต้องนอนซ้ำ

 ห่วงพี่น้องที่ต้องตกงาน พี่น้องอีสานจากบ้านทำงานในกรุง  เศรฐกิจตกอับการเมืองขัดแย้งเรื่องยุ่ง
หนุ่มสาวในกรุงถูกออกจากงานมากมาย

 หนุ่มสาวบ้านเฮานั่งเศร้าเหงาหงอย  ทางบ้านก็คอย  เงินร้อนจุนเจือครอบครัว  ข้าวของก็แพงค่าแรงไม่พอเลี้ยงตัว  ต้องมาปวดหัวในช่วงสังคมไม่ดี

 เห็นทีหล่ะอยากชวนเมือบ้านๆ  กลับอีสานบ้านเฮาน้อพี่  กลับมาอยู่คือเก่าก่อนกี้ก่อนกี้หล่ะก่อนกี้ก่อนกี้    น้องนี่อยู่ฮ่วมกันต่อสู้ฝ่าฟันร่วมกันสรรสร้าง  คอยเฮ็ดคอยถางนำกันเด้อ

 น้องอยากจะเห็นบ้านเฮาสุขขี  มาอยู่บ้านเฮาน้อพี่  น้องนี้สิเป็นแรงใจ  พลิกดินไปมาขุดสาเฮ็ดนาเฮ็ดไฮ่  เหลือกินพออยู่พอใช้  อยู่ไปคงสุขอุรา
 มาๆหล่ะคืนมาอยู่บ้านๆ กลับอีสานดินแดนม่วนซืน  มาฟ้อนบุญฮีดครึกครื้น  อย่าตื่นเรื่องตกงาน  มาอยู่อีสานบ้านเฮาน้อพี่  มาอยู่อีสานบ้านเฮาพี่  บ้านเฮาพี่