เพลง วันที่บอกลา

คำร้อง/ทำนอง ดำรงค์  ศรสำแดง
เรียบเรียง  สุรัตน์   สีใส

A: วันที่เจ้าบอกลา   น้ำตาบ่..กล้าซิไหล
ค้างเต่อเอ่ออยู่ข้างใน   หลอกใครว่าใจบ่..เป็นหยัง
ถึงเจ็บก็ยังเก็บอาการ   ยิ้มร่าหน้าบานแม้วันนี้บ่..มีหวัง
แต่หัวใจคือมันใกล้สิพัง   นั่งๆนอนๆถอนหายใจบ่..เซา

B: คราวที่เจ้าเข้ามา   สัญญารับอ้ายเป็นแฟน
น้องหลอกบอกใจยังแปน   วางแผนว่าใจนี่ขี้เหงา
น้องอยากให้อ้ายอยู่เคียงข้างกาย  จนฮอดื้มอตาย สองใจนี้บ่..มีเฉา
แต่แท้จริงนั้นทุกอย่างว่างเปล่า  เจ้างอนกับเขา จั่งเอาอ้ายระบายอารมณ์

C: ใจอ้ายจม   ดึงขึ้น     ยืนบ่ไหวแล้วละนาง
หลงก้าว..ไปผิดทาง  ฮอดปางตาย  แก้บ่ได้หัวใจติดหล่ม ฮือ... ฮือ....
ซิถอยหลังกะยังบ่กล้า   ซิเดินหน้ากะคาขี้ตม
ติดปม ก้มหน้าเศร้า    เหงาคือไก่เป็นห่า

D: วันที่เจ้าบอกลา   เขามายิ้มรื่นยืนคอย
บ้าย บ่ายอ้ายใจว้อย วอย   เหม่อลอยจำบ่ได้ซ้ายขวา
ขอฝากคำก่อนจากกันไป   เตือนเจ้าด้วยใจ จำคำอ้ายเอาไว้หนา
หากมื้อได๋ที่ใจมีปัญหา    อย่าเอาผู้ได๋   มาระบายคืออ้ายอีกเด้อ

ดนตรี SOLO
(ย้อนท่อน C,D)